Dy fëmijë nga Ferizaj gjejnë para dhe i dorëzojnë në polici

11:05 | 2 Gusht 2022
A. B.

Dje, rreth orës 15:00 dy fëmijë nga Ferizaj, 12 dhe 11 vjeçar, tek një objekt afarist përball shkollës ‘’Jeronim De Rada’’ në rrugën ‘’Dëshmorët e Kombit’’ në Ferizaj, i kanë gjetur një shumë të caktuar të të hollave.

Ata në prezencë edhe të prindërve të tyre, menjëherë paratë e gjetura i kanë dorëzuar në stacionin e policisë në Ferizaj.

“Lusim, pronarin/en e vërtetë të këtyre parave, të paraqitet në stacionin e policisë në Ferizaj dhe të vërtetohet pronësia për t’ia dorëzuar ato”, apelon policia.

Me këtë rast, Policia Rajonale e Ferizajt i ka falënderuar dy fëmijët, “njëkohësisht ju dëshiron shëndet dhe suksese në të ardhmen, për gjestin human dhe shembullor me rastin e dorëzimit të parave në stacionin e policies”, përfundon policia ./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm